Təlimlər

Hər şey yaxşı gedəndə anlaşmaq asandır. Bir münasibətin ömrünü müəyyən edən isə mübahisələri necə idarə etdiyimizdir. Hər şey yolunda ikən axıb gedən münasibətlər, kəskin döngələrdə büdrəyir — çünki çox vaxt mübahisə etməyi yox, sadəcə susmağı və ya partlamağı öyrənmiş oluruq. Bu təlimdə həmin döngələri daha yumşaq keçməyin yollarına baxacağıq. Öz bağlanma stilinizi kəşf edəcək, bu nümunələrin bu gün münasibətinizə necə təsir etdiyini fərq edəcəksiniz. Və ən önəmlisi:
Kriz anında həm özünüz, həm də münasibətiniz üçün nə edə biləcəyinizi konkret və tətbiq oluna bilən addımlarla öyrənəcəksiniz. Bütün bunları nümunə dialoqlar, real həyat ssenariləri və kiçik praktiklərlə möhkəmləndirəcəyik.

Həyatın içində bəzən “bəli” deyərkən, əslində “xeyr” demək istəyirik… Kimisə incitməmək üçün susur, münasibətləri qorumaq naminə özümüzü geri plana atır, öz ehtiyaclarımızı görməzlikdən gəlirik. Əgər sən də zaman-zaman özünü yox saydığını, sərhədlərin pozulduğu halda belə səsini çıxara bilmədiyini hiss edirsənsə, bu təlim məhz sənin üçündür. Bu təlimdə sərhəd qoymağın sadəcə “xeyr” demək olmadığını; bunun öz dəyərini bilmək, özünə hörmət və özünü qoruma bacarığı olduğunu birlikdə kəşf edəcəyik. Məzmunu üç əsas başlıq üzrə dərindən işləyəcəyik.